Kemm jekk qed tfittex l-ewwel impjieg tiegħek, jekk ilek taħdem għal xi snin, jew jekk wasalt biex tirtira, l-UE tappoġġja d-drittijiet tiegħek. Irrispettivament minn fejn tinsab fl-UE jew x'tip ta' impjieg għandek, għandek id-dritt li taħdem f'ambjent sigur. Jeżistu liġijiet u organizzazzjonijiet tal-UE biex jiżguraw li jkollok aċċess għal xogħol sigur u ta' kwalità b'bilanċ li jippermettilek tqatta' ħinek mal-familja tiegħek.
Għandu jirnexxielek issib xogħol tajjeb f'ambjent tax-xogħol sigur li, fuq kollox jipproteġilek saħħtek. Xogħlok għandu jħallilek biżżejjed ħin u enerġija għall-ħajja personali tiegħek. Kemm jekk l-impjieg tiegħek jinsab f'pajjiżek jew fi kwalunkwe pajjiż ieħor tal-UE, int dejjem għandek id-dritt għas-sigurtà soċjali.
Għaliex għandna bżonn nieħdu azzjoni fuq ix-xogħol fl-UE?
impjieg addizzjonali jista' jinħoloq bis-saħħa tat-tranżizzjoni ekoloġika fl-UE sal-2030
tal-impjegaturi Ewropej ikollhom diffikultà biex isibu nies bil-ħiliet meħtieġa
għandu jkollhom mill-inqas ħiliet diġitali bażiċi fl-UE sal-2025 – 70% tal-popolazzjoni
Kif qed nieħdu azzjoni?
huwa l-baġit tal-Fond Soċjali Ewropew Plus, l-istrument ewlieni tal-UE għall-investiment fin-nies
impjieg disponibbli fuq il-pjattaforma tal-impjiegi EURES
hija l-itwal ġimgħa tax-xogħol, skont il-liġi tax-xogħol tal-UE
Inti tixtieq li ssib xogħol xogħol għal qalbek, li jħallas paga ġusta u jagħtik l-opportunità li tikber. Ikun xi jkun dak li qed tfittex f'karriera, l-UE qiegħda hawn biex tiżgura li għandek l-għodod u l-assistenza meħtieġa biex tibni l-futur tiegħek. Tista' tiċċaqlaq u taħdem f'pajjiżi differenti fl-UE filwaqt li tibqa' protett bid-drittijiet tas-sigurtà soċjali tiegħek.
- Is-servizzi pubbliċi tal-impjiegi nazzjonali jistgħu jgħinuk issib impjieg adattat għalik. Huma joffru appoġġ permezz ta' firxa ta' attivitajiet inklużi servizzi ta' kollokament f'impjieg, gwida vokazzjonali, coaching, u programmi ta' taħriġ. Jekk għandek bżonn parir dwar kif issib ix-xogħol tal-ħolm tiegħek f' pajjiż ieħor tal-UE, tista' tkellem lill-Konsulenti ta' EURES - speċjalisti fis-suq tax-xogħol Ewropew li jagħtu pariri lil min qed ifittex xogħol u lil min iħaddem.
- Tista' tiċċekkja biex tara jekk wieħed minn kważi 4 miljun impjieg fuq il-pjattaforma ta' EURES huwiex dak li jgħodd għalik.
- Jekk qed taħseb biex tmur taħdem barra minn pajjiżek iżda għandek bżonn l-għajnuna, iċċekkja l-Iskema tal-Mobilità Mmirata ta' EURES.
- Fuq il-post u online, il-Jiem Ewropej tax-Xogħol li jsiru fuq il-post u online jagħtuk iċ-ċans li tiltaqa' ma' impjegaturi potenzjali u tikseb parir prattiku dwar kif tgħix u taħdem barra minn pajjiżek.
- L-Europass għandha ħafna għodod u informazzjoni utli biex takkumpanjak f'kull pass ta' tagħlim u tul il-vjaġġ tal-karriera tiegħek, inkluż għajnuna biex toħloq CV professjonali u ittra ta' introduzzjoni.
- Biex jgħinek tħejji ruħek għall-bidliet u l-opportunitajiet il-ġodda li qed jirriżultaw mit-tranżizzjoni diġitali u ekoloġika, il-Fond Soċjali Ewropew Plus (FSE+) qed jipprovdi finanzjament lill-membri tal-UE biex tikseb it-taħriġ u l-ħiliet meħtieġa għal impjieg ta' kwalità.
- Jekk għandek inqas minn 30 sena, iċċekkja l-Garanzija għaż-Żgħażagħ – inizjattiva tal-UE li tgħin lin-nies jiksbu offerta konkreta u ta' kwalità tajba ta' impjieg, edukazzjoni, apprendistat jew traineeship ta' kwalità tajba fi żmien 4 xhur minn meta jispiċċaw l-edukazzjoni formali tagħhom jew jispiċċaw bla xogħol.
- Bis-saħħa ta' Aim, Learn, Master, Achieve (ALMA), iż-żgħażagħ (18-29) jistgħu jiksbu bażi soda fid-dinja tax-xogħol b'kollokament iffinanzjat ta' xogħol ta' bejn xaharejn u 6 xhur f'pajjiż ieħor tal-UE, appoġġjat b'taħriġ minn mentor.
Int taħdem biex tieħu ħsieb il-familja tiegħek. Teħtieġ xogħol li jirrispetta li xi kultant għandek bżonn titlaq kmieni biex iġġib lit-tfal mill-iskola jew tieħu nofs ġurnata liv biex tieħu ħsieb lit-tfal tiegħek meta jimirdu. Teħtieġ drittijiet li jipproteġu kemm ix-xogħol u kif ukoll il-ħajja personali tiegħek.
- Ir-regoli tal-UE dwar il-bilanċ bejn ix-xogħol u l-ħajja privata jippermettulek tieħu ħsieb lill-familja tiegħek waqt li tkun qed tavvanza f'xogħlok. Huma jagħtuk id-dritt li titlob arranġamenti tax-xogħol flessibbli, li jfisser li tista' torganizza xogħlok b'mod li hu tajjeb għall-istil ta' ħajja tiegħek.
- Fl-UE, l-ommijiet għandhom id-dritt għal minimu ta' 14-il ġimgħa ta' liv tal-maternità, imħallsa mill-inqas fil-livell nazzjonali tal-benefiċċju tal-mard.
- Il-missirijiet u t-tieni ġenituri għandhom id-dritt għal mill-inqas 10 ijiem xogħol ta' liv tal-paternità, imħallsa mill-inqas fil-livell nazzjonali tal-benefiċċju tal-mard.
- Barra minn hekk, iċ-ċittadini kollha tal-UE huma intitolati għal liv tal-ġenituri ta' 4 xhur, li inti għandek id-dritt li titlob li tieħdu b'mod li jkun tajjeb għalik (pereżempju, f'diversi blokok jew part-time).
- Int intitolat ukoll għal-liv meta tadotta tifel/tifla.
- Għandek id-dritt għal 5 ijiem ta' xogħol fis-sena biex tipprovdi kura personali jew appoġġ lil membru tal-familja tiegħek.
Int għandek id-dritt li taħdem f'ambjent sigur u li ma jagħmilx ħsara lil saħħtek. U int għandek id-dritt li ssemma' leħnek meta l-affarijiet ma jkunux kif suppost. L-UE qed taħdem biex tagħmel il-postijiet tax-xogħol aktar siguri u b'anqas periklu għas-saħħa.
- L-UE għandha leġiżlazzjoni li tiggarantixxi rekwiżiti minimi ta' sigurtà u saħħa għas-setturi kollha tal-attivitajiet u kif ukoll għal aspetti speċifiċi, bħal kimiki perikolużi, aġenti fiżiċi u bijoloġiċi, tagħmir tax-xogħol, eċċ.
- Jekk inti ħaddiem għal żmien fiss jew temporanju, l-UE tiżgura li jkollok l-istess livell ta' protezzjoni tas-saħħa u s-sigurtà fuq il-post tax-xogħol bħal ħaddiema oħra.
- L-UE tiżgura wkoll li jkollok biżżejjed ħin liberu bejn il-ġranet tax-xogħol biex tistrieħ biex tiddedikahom għall-ħajja personali tiegħek. Id-Direttiva dwar il-Ħin tax-Xogħol tiżgura li ma taħdimx aktar minn 48 siegħa fil-ġimgħa, bħala medja, u li bħala regola tingħata mill-inqas 11-il siegħa konsekuttiva ta' mistrieħ kuljum u mill-inqas 24 siegħa ta' mistrieħ mingħajr xkiel fil-ġimgħa. Jekk taħdem aktar minn 6 sigħat kuljum, għandek tingħata ħin biex tistrieħ.
- Ir-regoli tal-UE jagħtuk id-dritt għal mill-inqas 4 ġimgħat ta' vaganzi mħallsa fis-sena.
L-UE tappoġġja lill-intrapriżi żgħar u medji sabiex jadattaw għall-bidliet fl-ekonomija ħalli dawn ikunu jistgħu jikbru. Billi tistabbilixxi regoli komuni, fir-rigward tal-impjiegi, l-UE toħloq kundizzjonijiet ugwali għan-negozju tiegħek u kompetizzjoni aktar ġusta bi standards protettivi minimi għall-ħaddiema fl-UE.
- Huwa importanti li tiżgura li l-post tax-xogħol tiegħek ikun mingħajr periklu għas-saħħa tal-ħaddiema u sigur kemm jista' jkun, għaliex dan ikun ta' benefiċċju għall-ħaddiema tiegħek u tiffranka problemi legali u finanzjarji. Il-Valutazzjoni tar-Riskju Interattiva Online tal-UE għandha ħafna għodod b'xejn li jistgħu jgħinuk iżżomm lin-negozju tiegħek konformi mal-leġiżlazzjoni nazzjonali dwar is-saħħa u s-sigurtà fuq il-post tax-xogħol.
- Jekk għalik in-nies u l-pjaneta jiġu qabel il-profitti, il-gateway tal-ekonomija soċjali tal-UE tista’ tgħinek fit-tnedija jew it-tkabbir tal-intrapriża soċjali tiegħek. Jekk għandek bżonn ftit għajnuna, self fuq in-negozju, mikrofinanzjament, garanziji u kapital ta' riskju huma disponibbli għall-kumpanija tiegħek – irrispettivament mid-daqs tagħha. Kull sena, l-UE tappoġġja aktar minn 200,000 negozju.
- Tista' wkoll taċċessa self sa €25,000 biex tistabbilixxi jew tiżviluppa negozju żgħir permezz tal-Faċilità Ewropea ta' Mikrofinanzjament għall-Impjiegi u l-Inklużjoni Soċjali.
- Bis-saħħa tal-Programm għall-Impjiegi u l-Innovazzjoni Soċjali (EaSI), għandek aċċess għal investimenti sa €500,000.
- Tista' tikseb appoġġ għall-mikrofinanzjament u l-intrapriżi bil-programm InvestEU, li jipprovdilek ukoll appoġġ imfassal apposta għalik biex tibda u tkabbar in-negozju tiegħek.
