Tista' żżid il-prospetti tal-karriera tiegħek billi ttejjeb il-ħiliet eżistenti tiegħek jew titgħallem oħrajn ġodda.
L-2023 hija s-Sena Ewropea tal-Ħiliet. Din hi l-opportunità ideali biex titgħallem ħiliet ġodda u tibda tużahom biex ittejjeb il-karriera tiegħek, il-futur tiegħek, ħajtek - b'għajnuna mill-UE.
Taħriġ adattat għall-bżonnijiet tiegħek jgħinek tilħaq l-ambizzjonijiet tiegħek. Kemm jekk tixtieq ittejjeb il-prospetti tal-karriera tiegħek, tibdel id-direzzjoni, terġa' lura għax-xogħol wara li tkun waqaft jew tinsab fil-bidu nett tal-ħajja professjonali tiegħek, nistgħu ngħinuk sabiex jirnexxielek.
L-Aġenda Ewropea tal-Ħiliet hija l-pjan ta' 5 snin li għandu l-għan li jgħinek tiżviluppa aktar ħiliet u ħiliet aħjar. Bis-saħħa ta' inizjattivi ta' taħriġ iffinanzjati mill-UE, se tkun tista' tikseb it-taħriġ li teħtieġ biex tisfrutta bl-aħjar mod l-opportunitajiet emerġenti fis-suq tax-xogħol.
Għaliex għandna bżonn nieħdu azzjoni fuq il-ħiliet fl-UE?
tal-kumpaniji tal-UE jirrappurtaw diffikultajiet biex isibu ħaddiema bil-ħiliet meħtieġa
impjieg li jvarjaw mill-kostruzzjoni u l-kura tas-saħħa għall-inġinerija u l-IT qed ibatu minn nuqqas ta' persunal
adulti fl-UE m'għandhomx ħiliet diġitali bażiċi
Kif qed nieħdu azzjoni?
l-ammont li l-Fond Soċjali Ewropew Plus (FSE+) qed jinvesti fl-impjiegi, l-inklużjoni soċjali, l-edukazzjoni u l-ħiliet
mill-pjan NextGeneration EU fl-Ewropa kollha huma allokati għat-tagħlim għall-adulti biex jiġi żgurat irkupru mill-pandemija
disponibbli taħt il-programm Erasmus+ biex l-istudenti Ewropej iqattgħu parti mill-istudji tagħhom f'ċentru tal-edukazzjoni jew tat-taħriġ f'post ieħor tal-Ewropa
Għadek kemm bdejt il-vjaġġ tax-xogħol tiegħek u hemm ħafna x'titgħallem. Jekk tixtieq ittejjeb il-possibilitajiet ta' suċċess tiegħek, titla' s-sellum tal-karriera aktar malajr jew tibdel il-karriera, għandek l-opportunità li titgħallem ħiliet ġodda jew ittejjeb dawk li diġà għandek sabiex tikseb impjieg ta' kwalità u ħajja tax-xogħol sodisfaċenti. Jekk għandek inqas minn 30 sena, hemm ħafna programmi tal-UE biex jgħinuk tibda l-vjaġġ tiegħek fis-suq tax-xogħol u jirnexxielek!
- Jekk għandek inqas minn 30 sena u qed taħseb fil-passi li jmiss f'ħajtek, il-Garanzija għaż-Żgħażagħ tista' tgħinek tikseb opportunitajiet ta' taħriġ għal varjetà ta' professjonijiet.
- Erasmus+ ippermetta lil aktar minn 3 miljun persuna jistudjaw jew jaħdmu barra minn pajjiżhom bħala parti mill-edukazzjoni tagħhom – issa jista' jmiss lilek!
- Il-kisba ta' esperjenza tax-xogħol hija l-muftieħ biex tikkonsolida dak li tkun tgħallimt. ALMA tista' tgħinek tpoġġi l-ħiliet tiegħek fil-prattika permezz ta' esperjenza tax-xogħol taħt superviżjoni f'pajjiż ieħor tal-UE.
- Il-ħiliet personali huma importanti daqs il-ħiliet speċifiċi. Il-Korp Ewropew ta' Solidarjetà jippermettilek tgħin, titgħallem u tiżviluppa billi taħdem fuq proġetti biex tinbena soċjetà aktar inklużiva, li tgħin lill-persuni vulnerabbli u tirrispondi għall-isfidi li jiffaċċjaw il-komunitajiet madwar l-Ewropa.
Aħna nistgħu ngħinuk jekk qed tikkunsidra xogħol ġdid, opportunità edukattiva jew traineeship fejn tista' taqla' l-flus waqt li titgħallem. L-UE tappoġġja varjetà ta' programmi mmexxija minn fornituri madwar l-UE kollha sabiex tkun tista' ssib dak li huwa adattat għalik u tkompli tavvanza professjonalment. Jekk qed tfittex li ssaħħaħ il-ħiliet li jgħinuk tirnexxi fil-ħajja, irrispettivament mill-età, il-ġeneru, id-diżabilità, l-oriġini jew l-orjentazzjoni sesswali tiegħek – is-Sena Ewropea tal-Ħiliet hija ż-żmien perfett biex tieħu dan il-pass li jmiss.
- Hemm għadd kbir ta' biex wieħed jistudja, jitħarreġ u jsib opportunitajiet ġodda ta' tagħlim madwar l-Ewropa. L-Europass jista' jgħinek tippjana t-tagħlim tiegħek u tiżviluppa l-ħiliet tiegħek.
- Hemm għadd kbir ta' possibbiltajiet biex wieħed jistudja, jitħarreġ u jsib opportunitajiet ġodda ta' tagħlim madwar l-Ewropa. L-Europass jista' jgħinek tippjana t-tagħlim tiegħek u tiżviluppa l-ħiliet tiegħek.
- Meta l-affarijiet imorru ħażin, l-UE tgħin lill-ħaddiema li jkunu ngħataw is-sensja biex isibu impjieg ieħor jew biex jistabbilixxu n-negozji tagħhom stess permezz ta' finanzjament bħall-Fond Ewropew għall-Globalizzazzjoni.
Jekk int sid ta' negozju żgħir, jista' jirnexxielek, tkun kompetittiv u tgawdi s-suċċess tiegħek. Id-dinja tinbidel malajr u jista' jkun diffiċli li tibqa' aġġornat max-xejriet tas-suq u tas-soċjetà. L-aqwa ħaġa hi li tiżgura li s-sett ta' ħiliet tiegħek u tal-forza tax-xogħol tiegħek huwa adegwat biex timxu 'l quddiem f'dinja dejjem tinbidel. Is-Sena Ewropea tal-Ħiliet hija l-mument perfett biex tevalwa fejn tinsab, fejn tixtieq tmur, u x'għandek tagħmel biex tasal hemm. Il-programmi u l-korsijiet ta' taħriġ iffinanzjati mill-UE jistgħu jgħinuk iżżomm in-negozju tiegħek rilevanti u tiżgura li jkun ippreparat tajjeb għall-futur.
- L-UE tagħti lin-negozji ż-żgħar l-opportunità li jinvestu fil-persunal tagħhom permezz ta' firxa ta' programmi. L-Ewropa Diġitali qed tinvesti €580 miljun għall-iżvilupp ta' ħiliet diġitali avvanzati f'oqsma bħall-intelliġenza artifiċjali u ċ-ċibersigurtà u l-Fond għall-Iżvilupp Reġjonali għandu l-għan li jtejjeb il-ħiliet u l-kompetittività.
Sib l-aħjar nies biex jagħmlu x-xogħol:
- Iktar minn miljun CV jinsabu fuq il-pjattaforma tal-EURES. Ir-reklutaġġ ta' ħaddiema minn pajjiżi oħra tal-UE hija l-opportunità ideali biex issib ħaddiema motivati u tas-sengħa għan-negozju tiegħek, speċjalment fil-każ ta' nuqqas ta' ħaddiema nazzjonali f'setturi ekonomiċi speċifiċi.
- Jekk qed ikollok problema biex issib il-ħiliet li għandek bżonn għall-kumpanija tiegħek, il-Jiem Ewropej tax-Xogħol jistgħu joffrulek soluzzjoni. Fuq il-post jew online, dawn il-fieri ta' reklutaġġ madwar l-Ewropa kollha jistgħu jgħinuk issib il-persuna perfetta għall-pożizzjoni miftuħa tiegħek.
- Biex tnaqqas il-lakuna ta' ħiliet fl-UE, ir-Riżerva ta’ Talent tal-UE tgħin lill-Ukreni li qed jaħarbu mill-gwerra jaqsmu s-CVs tagħhom mal-impjegaturi, maċ-ċentri tal-impjiegi u l-aġenziji tal-impjiegi.
- L-UE qed tippromwovi l-modernizzazzjoni u l-faxxinu tal-edukazzjoni vokazzjonali u tas-sistemi ta' taħriġ biex tindirizza aħjar il-ħtiġijiet tal-impjegatur.
- Jekk tixtieq taċċessa l-għarfien dwar ix-xejriet tal-ħiliet, tikseb pariri dwar strumenti ta' finanzjament rilevanti biex tinvesti fit-titjib tal-ħiliet tal-forza tax-xogħol tiegħek, u ssib opportunitajiet ta' sħubija, għandek tingħaqad mal-Patt għall-Ħiliet.
- Int sid ta' kumpanija li tixtieq issir parti minn komunità ta' persuni Ewropej li jixtiequ l-bidla billi joffru l-ħiliet diġitali lil kulħadd? Meta tingħaqad f'din il-bidla, se tikseb l-opportunità li taqsam l-opinjonijiet, l-aħjar prattiki u tinteraġixxi ma' organizzazzjonijiet pari. Permezz tal-Koalizzjoni għall-Ħiliet u l-Impjiegi Diġitali, tista' tagħmel dan billi tipprovdi kontribut konkret biex jitnaqqas id-distakk fil-ħiliet diġitali fl-Ewropa.
- Billi tiffinanzja ċ-Ċentri ta' Eċċellenza Vokazzjonali, l-UE qed tappoġġja l-ħolqien ta' ekosistemi tal-ħiliet fl-Istati Membri kollha. Il-kumpanija tiegħek tista' tkun parti minn wieħed minn dawn iċ-ċentri.
- L-UE qed tinkoraġġixxi u tappoġġja wkoll lill-kumpaniji u lill-awtoritajiet pubbliċi biex joħolqu aktar apprendistati u apprendistati aħjar permezz tal-Alleanza Ewropea għall-Apprendistati. Il-membri tal-Alleanza jibbenefikaw minn Servizzi ta' Appoġġ għall-Apprendistat bħal riżorsi online u opportunitajiet ta' networking, li jippermettu lill-membri joħolqu konnessjoni flimkien, jitgħallmu u jieħdu azzjoni.
