Is féidir leat d'ionchais ghairme a fheabhsú trí do chuig scileanna a uasghrádú nó trí scileanna nua a fhoghlaim.
Cabhróidh an oiliúint cheart leat do chuid spriocanna a bhaint amach. Is féidir linn cabhrú leat más mian leat do chuid deiseanna gairme a fheabhsú, do shlí bheatha a athrú, dul ar ais chuig an obair tar éis sosa nó má tá tú ag fíorthús do shaoil phroifisiúnta.
Déanfaidh Aontas na Scileanna daoine ar fud an Aontais a chumhachtú leis na scileanna a theastaíonn uathu chun go n-éireoidh leo ina saol oideachais agus gairmiúil. Fágfaidh sé freisin go mbeidh sé níos éasca na scileanna sin a úsáid i dtíortha éagsúla san Aontas. Trí aghaidh a thabhairt ar mhíchothromaíochtaí inscne agus trí chabhrú le gnólachtaí Eorpacha na hoibrithe atá de dhíth orthu a aimsiú, tá sé d’aidhm aige an tAontas a dhéanamh níos iomaíche agus níos cuimsithí.
Is é is aidhm dó an méid seo a leanas a dhéanamh:
- leibhéil níos airde de bhunscileanna agus ardscileanna a chur ar fáil
- deiseanna a chur ar fáil do dhaoine chun scileanna a thabhairt cothrom le dáta agus scileanna nua a fhoghlaim ar bhonn rialta
- éascú a dhéanamh ar an earcaíocht do ghnólachtaí ar fud an Aontais
- daoine tréitheacha a mhealladh, a fhorbairt agus a choinneáil san Eoraip
Is plean de 5 bliana é Clár Oibre Scileanna don Eoraip agus é mar aidhm aige cuidiú a thabhairt duit maidir le forbairt phearsanta agus scileanna níos fearr a chothú. A bhuí le tionscadail atá maoinithe ag an AE, beidh fáil agat ar an oiliúint atá de dhíth ort chun leas a bhaint as na deiseanna is deireanaí sa mhargadh saothair.
Cén fáth go gcaithfimid dul i mbun gnímh maidir le scileanna san AE?
de chomhlachtaí AE a deir go mbíonn deacrachtaí acu oibrithe a aimsiú a bhfuil na scileanna cuí acu
gairm lena bhfuil deacrachtaí ag baint le lucht oibre a earcú lena n-áirítear san earnáil tógála, sa chúram sláinte, san innealtoireacht agus in TF
duine fásta le easpa scileanna digiteacha san AE
Céard atá á dhéanamh againn chun dul i mbun gnímh?
Tá an tAontas ag infheistiú os cionn €150 billiún i dtacaíocht do dhaoine, do ghnóthaí, agus d'institiúidí chun oideachas agus scileanna a fhorbairt ar mhaithe le geilleagar rathúil iomaíoch.
Tá tú díreach ag tosú amach ar d’aistear oibre agus tá neart le foghlaim. Má tá tú ag iarraidh deiseanna fostaíochta a fheabhsú, nó ardú céime a bhaint amach níos tapúla nó a bheith in ann do shlí bheatha a aistriú, is iad na rudaí is tábhachtaí duit maidir le fostaíocht ardchaighdeáin agus saol oibre taitneamhach ná scileanna nua a fhoghlaim nó na scileanna atá agat anois a fheabhsú. Má tá tú faoi bhun 30 bliain d’aois, tá neart clár AE chun cuidiú leat tús a chur le d’aistear sa mhargadh saothair agus do bhealach a dhéanamh.
- Má tá tú faoi 30 bliain d’aois agus má tá an chéad chéim eile i do shaol á lorg agat, tá cabhair le fáil ón Scéim Ráthaíochta don Aos Óg maidir le deiseanna oiliúna a fháil i réimse gairmeacha.
- Chumasaigh Erasmus+ níos mó ná 16 mhilliún duine staidéar a dhéanamh thar lear nó post a fháil thar lear mar chuid dá gcuid oideachais – seans go bhfuil d’am tagtha!
- Tá tábhacht ag baint le taithí oibre a fháil leis an méid atá foghlamtha agat a dhaingniú. Is féidir le ALMA (Beartaigh, Foghlaim, Máistrigh, Gnóthaigh) cuidiú leat do chuid scileanna a chur in úsáid trí thaithí oibre faoi mhaoirseacht i dtír eile de chuid an AE.
- Tá scileanna boga chomh tábhachtach céanna le scileanna crua. Tríd an Cór Dlúthpháirtíochta Eorpach cuirtear ar do chumas cabhrú, foghlaim agus forbairt a dhéanamh trí bheith ag obair ar thionscadail d'fhonn sochaí níos ionchuimsithí a thógáil, d'fhonn tacú le daoine leochaileacha agus d'fhonn aghaidh a thabhairt ar dhúshláin roimh phobail ar fud na hEorpa.
Is féidir linn cabhrú leat le do phlean a chur ar bun má tá tú ag smaoineamh faoi phost nua, faoi dheiseanna oiliúna nó faoi intéirneacht trínar féidir leat airgead a thuilleamh agus tú ag foghlaim. Tacaíonn an AE le réimse de chláir atá á reáchtáil ag soláthraithe ar fud fad an AE chun gur féidir leat cibé rud atá uait a aimsiú agus leanúint ar aghaidh leis an bhforbairt ghairme.
- Le go mbeidh rath ar do shlí bheatha, tá sé tábhachtach go bhfuil do chuid scileanna cothrom le dáta. Déan do chuid scileanna a mheas le huirlis fhéinmheasúnaithe Europass agus faigh comhairle i dtaca le cúrsaí agus deiseanna foghlama a bheidh bunaithe ar thorthaí scrúdaithe le gur féidir leat barr feabhais a chur ar do chuid scileanna digiteacha.
- Tá an oiread sin deiseanna ann le staidéar a dhéanamh, cúrsa oiliúna a dhéanamh agus deiseanna nua foghlama a aimsiú ar fud na hEorpa. Is féidir le Europass cuidiú leat do chuid foghlama a phleanáil agus do chuid scileanna a fhorbairt.
- Nuair nach n-oibríonn rudaí amach, cuidíonn an AE le hoibrithe iomarcacha post eile a aimsiú nó gnólacht dá gcuid féin a thosú le maoiniú amhail An Ciste Eorpach um Choigeartú don Domhandú d’Oibrithe Iomarcacha.
Más úinéir gnólachta bhig thú, is féidir leat a bheith rathúil, iomaíoch agus taitneamh a bhaint as do rath. Tá luas leis an an saol agus féadann sé a bheith ciotach ag coinneáil suas chun dáta le nósanna an mhargaidh agus le nósanna na sochaí. Is é is sábháilte duit ná a dheimhniú go bhfuil na scileanna cuí agat agus ag do lucht saothair chun an gnó a chur chun cinn agus an domhan ag síorathrú. Is leithscéal iontach í Bliain Eorpach na Scileanna chun measúnú a dhéanamh ort féin, ar do spriocanna, agus ar na rudaí atá de dhíth ort chun iad a bhaint amach. D'fhéadfá cabhair a fháil ó chláir agus cúrsaí oiliúna atá maoinithe ag an AE chun cur le do ghnólacht agus le do ghnólacht a choinneáil ábhartha agus breá réidh don todhchaí.
- Tugann an AE deis do ghnólachtaí beaga infheistíocht a dhéanamh ina gcuid lucht foirne trí réimse de chláir. Tá An Clár don Eoraip Dhigiteach ag infheistiú €580 milliún chun ardscileanna digiteacha a fhorbairt i réimsí amhail intleacht shaorga agus cibearshlándáil agus tá sé mar sprioc ag an gCiste Forbartha Réigiúnaí na hEorpa scileanna agus iomaíochas a fhorbairt.
Faigh na daoine is oiriúnaí don phost:
- Tá breis agus milliún CVanna ar an ardán EURES. Is iontach an deis é oibrithe de chuid tíortha eile an AE a earcú chun oibrithe tiomanta agus oilte a fháil, go háirithe i gcásanna le ganntanas naisiúnta maidir le lucht saothair in earnálacha geilleagair faoi leith.
- Má tá deacrachtaí agat teacht ar oibrithe a bhfuil na scileanna atá ag teastáil ó do ghnólacht acu, d’fhéadfá cabhair a fháil ó Laethanta Fostaíochta Eorpacha. Cuidíonn na haontaí Eorpacha earcaíochta leat, ar líne nó ar an láthair, leis an iarrthóir is oiriúnaí don phost atá á thairiscint a líonadh.
- Le scileanna atá ag teastáil go géar a thabhairt isteach chuig an AE, cuidíonn Clár Tallainne AE le muintir na hÚcráine atá ag éalú ón gcogadh lena gcuid CVanna a roinnt le fostóirí, le hionaid oibre agus le gníomhaireachtaí fostaíochta.
- Tá an nuachóiriú agus an tarraingteacht a bhaineann le gairmoideachas agus córais oiliúna á gcur chun cinn ag an AE le go bhfreastalófar níos fearr ar riachtanais an fhostóra.
- Ba chóir duit ballraíocht a ghlacadh leis an gComhaontú do Scileanna más mian leat rochtain a fháil ar eolas faoi threochtaí maidir le scileanna, faoi chomhairle maidir le hionstraimí maoinithe chun cur le scileanna do lucht saothair agus faoi dheiseanna comhpháirtíochta.
- An úinéir gnó thú agus an bhfuil fonn ort bheith i do bhall de chomhphobal daoine atá mar cheannródaithe san Eoraip le scileanna digiteacha a chur ar fáil do gach duine? Agus tú páirteach sa chomhphobal, gheobhaidh tú an deis tuairimí agus dea-chleachtais a mhalartú, agus caidreamh a dhéanamh le piareagraíochtaí. Tríd an gComhpháirtíocht maidir le Scileanna Digiteacha agus Post, is féidir leat do chuidse a dhéanamh le cúnamh a ghealladh chun an bhearna maidir le scileanna digiteacha san Eoraip a laghdú.
- Trí Ionaid Barr Feabhais Gairme a mhaoiniú, tá an AE ag tacú le cruthú éiceachóras maidir le scileanna ar fud na mBallstát. Is féidir le do ghnólacht a bheith mar cheann de na hionaid seo.
- Tá an AE ag spreagadh gnólachtaí agus údaráis phoiblí agus agus ag tabhairt tacaíochta dóibh chun tuilleadh printíseachtaí agus printíseachtaí níos fearr a chur ar bun tríd an gComhaontas Eorpach do Phrintíseachtaí. Baineann baill den chomhaontas leas as Seirbhísí Tacaíochta Printíseachta amhail acmhainní ar líne agus deiseanna líonraithe, trína dtabharfar deis do bhaill nasc a dhéanamh lena chéile, rudaí nua a fhoghlaim agus chun dul i mbun gnímh.
