Il-Fondazzjoni u l-partijiet interessati tagħha jorganizzaw inizjattivi li jindirizzaw il-perċezzjoni tal-karrieri relatati mal-ICT. Ikklikkja fuq il-link biex tiskopri programmi li jgħinuk tiżviluppa l-ħiliet tiegħek, titgħallem dwar l-aqwa prattika u taqra linji gwida dwar żvilupp professjonali kontinwu.
Ikklikkja fuq il-link u skopri korsijiet ta’ tagħlim għall-adulti b’approċċi personalizzati u innovattivi lejn l-edukazzjoni. Dawn il-programmi japplikaw għal diversi setturi differenti: individwi, komunitajiet, min iħaddem u s-soċjetà.
Il- Malta Further & Higher Education Authority tgħinek tifhem kif il-kwalifiki lokali u internazzjonali huma rikonoxxuti f’Malta, u kif il-kwalifiki Maltin huma rikonoxxuti barra l-pajjiż.
Europass jipprovdi għodda mingħajr ħlas sabiex il-kwalifiki u l-ħiliet tiegħek ikunu viżibbli u mifhuma madwar l-Ewropa u lil hinn minnha. Barra minn dan, fuq il-pjattaforma tal-Europass issib mhux biss opportunitajiet ta’ tagħlim u ta’ impjieg madwar l-Ewropa, iżda wkoll id-dettalji ta’ kuntatt u informazzjoni speċifiċi għal kull pajjiż rigward opportunitajiet ta’ tagħlim u xogħol barra l-pajjiż. L-għodod tal-Europass huma l-passaġġ tiegħek għal tagħlim u impjieg kemm f’pajjiżek kif ukoll barra l-pajjiż.
Eurodesk jipprovdi informazzjoni mingħajr ħlas lil żgħażagħ li għandhom bejn 13 u 30 sena dwar opportunitajiet bħall-ivjaġġar, xogħol, studju u volontarjat fl-Ewropa jew parteċipazzjoni fi programmi ffinanzjati mill-UE.
Ikklikkja fuq il-link biex tfittex opportunitajiet ta’ impjieg u ta’ taħriġ, u biex tirċievi pariri esperti dwar is-suq tax-xogħol.
EURES, in-netwerk tas-servizzi Ewropej tax-xogħol, jgħinek issib impjiegi u opportunitajiet ta’ taħriġ, waqt li joffri informazzjoni u pariri siewja dwar is-suq tax-xogħol.
DIER jipproteġi l-interessi tal-partijiet fil-kuntratti ta’ impjieg. Dan jippromwovi relazzjonijiet tal-impjieg b’saħħithom fi spirtu ta’ sħubija soċjali, u jikkontribwixxi għal relazzjonijiet industrijali stabbli. Ikklikkja fuq il-link u skopri kif DIER jista’ joffri risposti għall-mistoqsijiet li jista’ jkollok rigward il-bilanċ bejn il-ħajja professjonai u dik personali, il-liv tal-ġenituri u kundizzjonijiet tax-xogħol, fost affarijiet oħra.
EuroGuidance Malta jikkoordina servizzi ta’ programmi vokazzjonali u ta’ gwida dwar il-karriera. Dan għandu l-għan li jimplimenta programmi mmirati biex tiġi żgurata l-korrelazzjoni bejn il-ħiliet mgħallma fl-iskejjel u dawk imfittxija fuq il-postijiet tax-xogħol, biex tkun faċilitata t-tranżizzjoni bejn l-iskola u l-ewwel impjieg.
Is-Servizzi ta’ Gwida dwar il-Karriera fis-Servizzi ta’ Appoġġ fl-Iskejjel Nazzjonali (NSSS, National School Support Services) jipprovdu u jissorveljaw speċifikament inizjattivi relatati mal-karriera għall-istudenti kollha f’Malta u Għawdex. Ikklikkja fuq il-link u sib għajnuna, gwida u riżorsi biex tkun tista’ taħdem u tistudja f’Malta.
L-għan ewlieni tal-Bank Malti għall-Iżvilupp (MDB) hu li joffri faċilitajiet ta’ finanzjament lin-negozji. Jekk int sid ta’ SME, ikklikkja fuq il-link biex tiskopri l-iskemi u l-faċilitajiet li joffri l-MDB.
Home - Malta Development Bank Malta Development Bank (mdb.org.mt)
Il-Karta Ewropea tal-Assigurazzjoni tas-Saħħa (EHIC) tagħtik aċċess għal kura tas-saħħa pprovduta mill-istat, li hija meħtieġa għal raġunijiet mediċi waqt soġġorn temporanju fi kwalunkwe mis-27 pajjiż tal-UE, flimkien mal-Iżlanda, il-Liechtenstein, in-Norveġja u l-Iżvizzera jew ir-Renju Unit taħt l-istess kundizzjonijiet u bl-istess prezz (mingħajr ħlas f’xi pajjiżi) bħall-persuni assigurati f’dak il-pajjiż. Skopri kif tista’ tapplika għal din il-karta mingħajr ħlas.
Il-Fondazzjoni għal Servizzi Edukattivi (FES) bħalissa topera 13-il ċentru ta’ ħarsien tat-tfal issussidjati mill-Gvern madwar Malta. Dawn jipprovdu ħarsien ta’ tfal li għandhom bejn 13-il xahar u 3 snin. Is-sit web tagħhom joffri iktar informazzjoni dwar iċ-ċentri ta’ ħarsien tat-tfal differenti.
Id-Dipartiment tar-Relazzjonijiet Industrijali u tal-Impjieg (DIER) joffri informazzjoni siewja relatata mad-drittijiet tax-xogħol, fosthom il-liv li int intitolat(a) għalih. Żur is-sit web tagħhom biex tiskopri dwar il-liv tal-paternità, tal-ġenituri, tal-maternità u għall-mard fost oħrajn.
Id-Direttorat tad-Drittijiet tal-Bniedem (HRD) għandu l-kompitu li jiżgura li l-proposti u l-inizjattivi jirrispettaw id-drittijiet tal-bniedem fundamentali ta’ kulħadd, kif inhu stabbilit fil-liġi ta’ Malta u internazzjonali, u, kull fejn ikun possibli, jgħin fil-ħolqien ta’ soċjetà ugwali u ġusta. Skopri xi drittijiet int intitolat(a) għalihom u kif tista' titlobhom fuq is-sit web tagħhom.
Il-Forum Kontra l-Faqar Malta jieħu sehem fi u jinfluwenza l-pjanijiet ta’ azzjoni nazzjonali għall-inklużjoni, il-Programm ta’ Riforma Nazzjonali u l-parteċipazzjoni ta’ persuni li qed jiffaċċjaw il-faqar u l-esklużjoni soċjali fil-politiki u l-pjanijiet nazzjonali. Jagħmlu dan billi jipprovdu ġabra kbira ta’ tagħrif dwar il-faqar f’Malta. Fuq is-sit web tagħhom tista’ ssib iktar informazzjoni.
Il-Fondazzjoni Lino Spiteri hija fondazzjoni bi skop soċjali dedikata biex tappoġġja l-impjieg sostenibbli ta’ persuni b’diżabbiltajiet. Il-fondazzjoni tipprovdi varjetà ta’ ħiliet personali u taħriġ fuq ix-xogħol li jżidu l-opportunitajiet għall-persuni biex jilħqu l-potenzjal sħiħ tagħhom, filwaqt li tipprovdi għajnuna konsultattiva u appoġġ fit-tfittxija għal xogħol għal kull persuna b’diżabbiltà reġistrata. Is-sit web tagħhom għandu informazzjoni dwar l-appoġġ li joffru.
Id-Direttorju ta’ Nisa Professjonali għandu l-għan li jservi bħala inizjattiva pożittiva biex jiġi indirizzat in-nuqqas ta’ rappreżentanza sinifikanti tan-nisa f’pożizzjonijiet ta’ teħid ta’ deċiżjonijiet fis-setturi pubbliċi u privati. Id-Direttorju online joffri viżibbiltà u iktar opportunitajiet lin-nisa biex jinħatru fuq bordijiet u kumitati u/jew jieħdu pożizzjonijiet ta’ teħid ta’ deċiżjonijiet fis-suq tax-xogħol. Żur is-sit web tagħhom biex tiskopri kif tista’ tirreġistra.
Il-Kummissjoni Nazzjonali għall-Promozzjoni tal-Ugwaljanza (NCPE) għandha l-viżjoni ta’ soċjetà li hija ugwali u ħielsa mid-diskriminazzjoni. Din tippromwovi l-inklużività sabiex kulħadd ikun jista’ jikseb il-potenzjal sħiħ tiegħu. Sir af iktar dwar id-drittijiet tiegħek u kif tista’ titlobhom fuq is-sit web tagħhom.
Il-Kummissjoni għad-Drittijiet ta’ Persuni b’Diżabbiltà (CRPD) hija impenjata biex tagħmel is-soċjetà Maltija waħda inklużiva, b’tali mod li l-persuni b’diżabbiltà jilħqu l-potenzjal sħiħ tagħhom fl-aspetti kollha tal-ħajja, u jgawdu kwalità ta’ ħajja għolja grazzi għall-opportunitajiet indaqs.